Жиззахда ёш йигитлар 51 ёшли эркакни дўппослаб кетишди. Бу ҳақида “Hudud” информацион дастурида хабар берилди.
Маълум қилинишича, 23 июнь куни тунда дўсти билан тўйдан қайтаётган фуқарони дўппослаб кетишган. Беморнинг яқинларининг сўзларига кўра, жанжал ёш йигитларнинг сигарет сўрашидан келиб чиққан.
4 нафар фарзанднинг отаси, 51 ёшли фуқаро Тошкент шаҳридаги қурилиш фирмаларидан бирида ишлаган. Уни шу куни 06:25 ларда Республика шошилинч тез тиббий ёрдам илмий маркази Жиззах филиалига олиб келишган.
У барча текширувлардан кейин даволаниш учун нейрохирургия бўлимига ётқизилган. Ҳозирги ҳолати ўртача оғирликда.