Жиззахдаги довонда 4 та машина аварияга учради
Ҳодисага юк машинасининг бошқарувни йўқотиши сабаб бўлган.
Кеча, 4 сентябрь куни Жиззах вилоятининг Ғаллаорол туманида тўртта автомашина иштирокида йўл-транспорт ҳодисаси юз берди.
Йўлнинг довон қисмида ҳаракатланиб келаётган “Газ-52” юк автомашинаси ҳайдовчиси нишабликда бошқарувни йўқотган. Оқибатда ушбу юк автомашинаси ўзидан олдинда бир йўналишда ҳаракатланиб кетаётган Captiva’нинг орқа чап ён томонидан ва Nexia-3’нинг орқа томонидан урган. Тўқнашув оқибатида Nexia-3 ўзидан олдинда бўлган Spark автомашинасининг орқа қисмига урилган.
Ҳодиса оқибатида ҳалок бўлганлар йўқ. Nexia-3 автомашинаси йўловчисига биринчи тез тиббий ёрдам кўрсатилган.
Ҳодиса жойини кўздан кечириш ва расмийлаштириш вақтида автомобил йўлида тирбандлик юзага келган.
