Кимёвий моддалар миқдорини аниқлаш учун Тошкентдаги каналларда сув сифати текширилди
Олдинги ҳафтада ўтказилган текширув натижалари билан солиштирилганда айрим каналларда сув сифати ўзгарган.
Тошкентдаги каналлар ва унинг атрофидаги сув омборларидан 18 июль куни ер усти сувларидан намуналар олиб, таҳлил қилди. Кимёвий ифлослантирувчи моддалар таркиби сувнинг ифлосланиш индекси (СИИ) бўйича ўрганилди, дея хабар қилди «Ўзгидромет».
Унга кўра:
-
Бўзсув канали — Телеминора ҳудуди. Сув сифати II синф тоза сувлар, СИИ - 0,99;
-
Қорасув канали — Фурқат боғи ҳудудида. Сув сифати III синф ўртача ифлосланган сувлар, СИИ - 2,4;
-
Салар канали — Экопаркдан қуйида. Сув сифати III синф ўртача ифлосланган сувлар, СИИ - 2,13;
-
Анхор канали — Кичик халқа йўлидан қуйида. Сув сифати III синф ўртача ифлосланган сувлар, СИИ – 1,65;
-
Бўрижар канали – Магис ситй боғи ҳудуди. Сув сифати II синф тоза сувлар, СИИ – 0,76;
-
Чорвоқ сув омбори – Сув сифати II синф тоза сувлар, СИИ - 0,63;
-
Туябўғиз сув омбори – Сув сифати III синф ўртача ифлосланган сувлар, СИИ- 1,75.
Эслатиб ўтамиз, олдинроқ ҳам Тошкентдаги каналлардаги сув сифати текширилгани ҳақида хабар берилганди. Олдинги ҳафта билан солиштирилганда Тошкент шаҳридаги каналлар ва Тошкент вилояти сув омборларидаги сув сифати муҳим ўзгаришларга дуч келмади. Фақат Анхор каналида сув сифати СИИ бўйича бироз ёмонлашди.
