Украина пойтахти Киевдаги Мариинский саройида президент Владимир Зеленский ва Франсия раҳбари Эммануел Макрон ўртасида музокаралар бўлиб ўтди.
"Биз Франция президенти билан Украина ва дунё учун хавфсизлик муаммолари бўйича умумий фикрга эгамиз. Франция минтақамиз ва бутун Европа Иттифоқи учун муҳим аҳамиятга эга. Бу давлатимизни қўллаб-қувватлашда кучли қадамдир. Франция Украинага ёрдам учун 1,2 миллиард евро макромолиявий маблағ ажратади”, - деди Зеленский.
Президент Макрон Украина учун кўп иш қилишини таъкидлади.
“Тинчлик жараёни бугунги музокараларимизнинг асосий масалаларидан бири бўлди. Умид қиламизки, яқин келажакда, 2019 йил декабрь ойида бўлиб ўтган Париж саммитида эришилган келишувларга мувофиқ, биз етакчиларнинг навбатдаги музокараларини ўтказишимиз мумкин. Биргина учрашув жуда муваффақиятли бўлди, яқин кунларда иккинчи учрашув бўлишини интиқлик билан кутамиз. 2022 йилда бўлган ва Берлиндаги бўлажак музокаралар бизни Нормандия саммитига яқинлаштиради”, деди Зеленский.
Ўз навбатида, Макрон Франция ва Германия “Украина можаросига чек қўйиш” бўйича воситачилик ҳаракатларига содиқ эканини айтди. Унинг айтишича, Россия президенти Владимир Путин “Минск келишувларини амалга оширишда давом этади”.
Франция президенти тафсилотларга тўхталмади, бироқ “ҳозирда Украина чегараларида кўрсатилаётган босимдан қатъий назар жараён олдинга силжиши керак”, деди.
Макрон келгуси ойда татбиқ этилиши учун баъзи янги хавфсизлик механизмлари тайёрланаётганини айтди.
Эслатиб ўтамиз, бундан аввал Эммануел Макрон Москвада президент Владимр Путин билан учрашган эди.