Конгрессмен Жо Байденга бирданига учта импичмент беришни таклиф қилди
АҚШда можаролари билан машҳур сиёсатчи Мажори Тейлор Грин Конгрессга амалдаги Президент Жо Байденга бирданига учта импичмент беришни таклиф қилди. Уларнинг биттаси Афғонистондаги вазият билан боғлиқ.
Жоржия штатидан сайланган республикачи "Байден 10 минг америкаликни "Толибон" ҳукмига ташлаб қўйгани учун" уни ҳокимиятдан четлатиш резолюцияси лойиҳасини Конгрессга тақдим этганини эълон қилди.
—Жо Байден Президенг бўлганига ҳали ярим йил ўтмай Америка бутун дунёда ҳурматини йўқотди. Унинг ҳаракатлари шунчалик ғалатики, импичмент эълон қилиш учун барча далил ва асос мавжуд, — деди конгрессмен.
Грин иммиграцион қонунчиликни бузгани ва бунинг натижасида АҚШнинг жанубий чегарасида инқироз юзага келгани учун Байденга яна иккита импичмент берилиши керак, деди.
Бундан аввал АҚШнинг собиқ президенти Дональд Трам Байден Афғонистонда юзага келган вазият сабабли истеъфога чиқиши кераклигини айтган эди.
Шарофат Маҳмудова
