Макрон ёш намойишчиларнинг оилаларини жаримага тортишни таклиф қилди
Франция президенти Эммануэль Макрон тартибсизликка йўл қўйган ёшларнинг оилаларига молиявий жазо қўллаш ниятида.
Макрон Франция шаҳарларида бир неча кун давом этган тартибсизликлардан сўнг ҳуқуқ-тартибот ходимларини ҳам қўллаб-қувватлашини билдирди. Президент ёш намойишчиларнинг оилаларини жаримага тортишни таклиф қилмоқда.
Эслатиб ўтамиз, Франциядаги тартибсизликлар 27 июнь куни кечқурун полициячи машина ҳайдаб кетаётиб, ҳуқуқ-тартибот идоралари ходимлари талабига биноан тўхташдан бош тортган 17 ёшли ўсмирни отиб ўлдирганидан кейин бошланган эди. Бу воқеа мамлакатнинг кўплаб шаҳарларида тартибсизликлар тўлқинига сабаб бўлди.
Франция Ички ишлар вазирлиги маълумотларига кўра, ҳафта давомида 3486 киши ҳибсга олинган.
