Марокаш зилзила оқибатларини бартараф этишга 11 миллиард доллар ажратади
Жорий йилнинг 8 сентябрь куни Марокашда юз берган зилзилада 6 мингга яқин одам ҳалок бўлган.
Марокаш ҳукумати ҳалокатли зилзила оқибатларини бартараф этиш учун 11 миллиард доллардан ортиқ маблағ сарфлашни режалаштирмоқда.
Al Jazeera телеканалининг хабар беришича, табиий офатдан зарар кўрган ҳудудларни тиклаш дастурини амалга ошириш учун 120 миллиард дирҳам (тахминан 11,69 миллиард доллар) керак бўлади.
Эслатиб ўтамиз, Марокашда жорий йилнинг 8 сентябрь куни маҳаллий вақт билан соат 23:10 да 7 магнитудали зилзила содир бўлди. Кучли силкинишдан кейин юзлаб афтершоклар қайд этилди, уларнинг энг кучлиси 6 баллни ташкил этган.
Марокаш Миллий геофизика институти маълумотига кўра, Марракеш ҳудудидаги зилзила мамлакат тарихида сўнгги юз йилдаги энг кучлиси бўлди.
