Машҳур учрашув амалга ошадими?
Индонезия Путин ва Байденни учраштиришга тайёрлигини айтмоқда.
Индонезия Байден ва Путиннинг учрашувини ташкил этишга тайёр. Индонезиянинг Москвадаги элчиси Хосе Антонио Морато Тавареснинг сўзларига кўра, бунинг учун Россия етакчиси G20 саммитида иштирок этиши керак бўлади.
“Индонезия буни амалга оширишни шараф деб билади. Бу каби тадбирлар бўйича бизда тажриба бор. Масалан, Камбожада низо кучайган пайтда Жакартада Вьетнам ва Камбожа етакчиларининг норасмий учрашуви ташкил этилганди. Улар музокарани коктейль билан бошлаган, аммо алоқалар тикланишига туртки берилганди. Бу каби учрашувлар дарҳол ниманидир ҳал қилмаслиги мумкин, аммо ўзаро мулоқот муҳокамаларнинг давом этишига сабаб бўлиши мумкин”, – деган дипломат.
Бундан ташқари, элчи Индонезия Президенти Владимир Путинни саммитга таклиф қилиш учун шахсан Москвага келганини таъкидлаган.
Россия Президентининг G20 давлат раҳбарлари йиғилишига бориши номаълумлигича қолмоқда.
Аввалроқ Индонезия томони Путин ва Зеленский учрашувини ташкил қилишга тайёрлигини билдирди.
