Маск ўз самолётини кузатиб борадиган Twitter аккаунтини блоклаб қўйди
Миллиардер бу кузатувларда ўғлининг ҳаётига хавф кўрмоқда.
Илон Маск ўз шахсий самолётини кузатувчи Twitter аккаунти эгасини судга берди. Миллиардерлар кузатув ўғлининг ҳаётига хавф солаётганини айтган.
ElonJet аккаунти ярим миллион кузатувчига эга. Чоршанба куни у блоклаб қўйилди. Саҳифа эгаси 20 ёшли Жек Суини авиарейслар ҳақидаги очиқ маълумотлардан фойдаланган. У Маскнинг самолётининг парвозларини мониторинг қилган.
Миллиардернинг сўзларига кўра, Суини ва бир қатор бошқа шахсларга нисбатан жиноят иши қўзғатилган.
“Кеча тунда lil X (Маскнинг ўғли) ўтирган машина Лос-Анжелесда таъқиб қилинди”, – деб ёзган бизнесмен.
Унинг қўшимча қилишича, одамларнинг реал вақтда турган жойини кўрсатган ҳар қандай аккаунт блоклаб қўйилади.
