Мен гапирган гапимни қайтариб олмайман — Жо Байден
АҚШ етакчиси Путин ҳақидаги гаплари унинг шахсий фикри экани ва бу Вашингтонинг позицитаси эмаслигини билдирди.
АҚШ президенти Жо Байден Россия президенти Владимир Путинга нисбатан айтган сўзларини қайтариб олмаганини айтди, лекин бу баёнотлар фақат унинг шахсий фикри ва Вашингтон сиёсатига боғлиқ эмаслигини таъкидлади.
"Мен рад этмайман. Путин муаммоларни қандай ҳал қилаётгани ва бу шахснинг хатти-ҳаракатларидан ғазабимни билдирдим", деди Байден журналистнинг Россия раҳбари ҳақида айтганидан афсусланасизми, деган саволига жавоб бериб.
"Аммо мен буни аниқ айтмоқчиман: ўша пайтда ҳам, ҳозир ҳам сиёсий позициямни ўзгартирмаяпман. Мен ғазабимни билдирдим, буни сиёсийлаштирмайман. Бу менинг шахсий ҳис-туйғуларим", - деди Америка президенти.
Байден 26-март куни Варшавада қилган чиқишида Россия раҳбариятини Украинадаги хатти-ҳаракатлари учун яна бир бор танқид қилди ва "Путин ҳокимиятда қола олмайди”, деди.
Кейинчалик АҚШ маъмурияти Америка президентининг сўзларини тушунтириб, у Россияда ҳокимият ўзгаришига интилиш ниятида эмаслигига ишонтирди.
Кремль аллақачон Байденнинг сўзларидан хавотир билдирган. "Бу баёнот, албатта, хавотир уйғотади. Биз АҚШ президентининг баёнотларини диққат билан кузатишда давом этамиз. Россияда ким ҳукумат тепасида бўлишини Байден ҳал қилмайди", - деди душанба куни Россия президенти матбуот котиби Дмитрий Песков.
