Миср чет эллик сайёҳларни мамлакат ҳудудига ПЗР-тестсиз киритади
Миср ҳукумати коронавирусга қарши тўлиқ эмланган чет эллик сайёҳларни мамлакат ҳудудига ПЗР-тестсиз киритади. Гап фақат коронавируснинг мутацияга учраган турлари қайд этилмаган давлатлар фуқаролари ҳақида.
Сайёҳлар ЖССТ ёки Миср дори воситалари бошқармаси томонидан тасдиқланган вакциналардан бири («Спутник V», Pfizer, AstraZeneca, Moderna, Sinopharm, Sinovac, Johnson & Johnson) билан тўлиқ эмланган сайёҳлар эмлангани ҳақидаги сертификатни тақдим этишлари керак бўлади. вакцинациядан 2 ҳафта ўтгач мамлкат ҳудудига киришга рухсат берилади.
“Коронавируснинг мутацияга учраган штаммлари таъсир ўтказган давлатлар” рўйхатига Индия, Бангладеш, Покистан, Бутан, Мьянма, Непал, Вьетнам, Шри-Ланка, Бразилия ва Лотин Америкасининг бошқа давлатлари киритилган. Бу давлатлар фуқаролари аэропортда коронавирусга молекуляр экспресс-тест топшириши керак.
Шарофат Маҳмудова
