“Moderna” асосчилари илк бор "Энг бой америкаликлар" рўйхатидан жой эгаллади
"Moderna" асосчиларидан Ноубар Афеян ва Роберт Лангер, шунингдек, илк инвестор Тимоти Спрингер мазкур йил Forbes журналида “400 нафар энг бой америкаликлар” рўйхатига киритилди.
Маълумотларга кўра, компания асосчиларидан бири Ноубар Афеян қарийб 5 миллиард доллар миқдоридаги бойликга эга. Роберт Лангернинг 4,9 миллиард доллар, компанияга миллионлаб сармоя киритган Тимоти Спрингернинг эса 5,9 миллиард доллар маблағи бор. Бу кўрсаткичлар билан "400 энг бой америкаликлар" рўйхатида Тимоти Спрингер 176, Ноубар Афеян ва 212 ва Роберт Лангер 222-ўринни эгаллаган.
Пандемия натижасида иқтисодий инқироз кузатилганига қарамай, 2021 йилги “400 нафар энг бой америкаликлар” рўйхати Forbes'нинг 2020 йилдаги кўрсаткичларига нисбатан 40 % га ортган.
Мазкур рўйхатга 2007 йилдан буён янги номлар киритилган. Уларнинг аксариятини молия, технология ва соғлини сақлаш соҳаларидаги миллиардерлар ташкил қилади.
Маълумот ўрнида, Американинг бутун дунё бўйлаб дори-дармон, санитария-гигиена воситалари ва тиббий асбоб-ускуналар ишлаб чиқарувчи “Johnson&Johnson” ва Европанинг “AstroZeneca” фармацевтика компаниялари ўзлари яратган вакцинадан фойда олиш ниятида эмасликларини айтган.
Аввалроқ Дональд Трамп энг бой америкаликлар рўйхатидан жой ололмагани ҳақида хабар берилганди.
Мафтуна Режаббоева тайёрлади.
