“Мусулмонлар қалбини парчалаётган қонли вазият”
Сенатор Яқин Шарқдаги вазиятга муносабат билдирди.
Сенатнинг Мудофаа ва хавфсизлик масалалари қўмитаси раиси Кутбидин Бурханов ўз Facebook саҳифасида президентнинг халқаро миқёсдаги таҳдидлар ва Ўзбекистоннинг келажаги бўйича айтган фикрлари акс этган видео борасида муносабат билдирди.
Сенатор Ғазодаги воқеларга ҳам тўхталиб, уни "мусулмонлар қалбини парчалаётган қонли вазият" деб айтган.
"Мен ҳар куни кечқурун ором олаётган невараларимни кўриб, юртимизда ҳукм сураётган тинчлик учун яратганга бениҳоя шукур айтаман. Бу энг олий неъмат. Афсуски баъзи кундалик ташвишлар билан биз буни унутиб қўйяпмиз, қадрига етмаяпмиз.
Аслида атрофимизда таҳликалар кўп, ҳар сонияда фаровон ҳаётимизни барбод қиладиган бузғунчи кучлар таҳдид солиб туради. Фақатгина юрт посбонларининг меҳнати, мудофаа ва хавфсизлик борасида амалга оширилаётган ишлар натижасида биз буни ҳатто пайқамаймиз ҳам", - дея таъкидлаган Сенатор.
