NASA келаси йилда биринчи тўлиқ тижорат экипажини Халқаро космик станцияга юбормоқчи
NASA биринчи тўлиқ тижорат экипажини Халқаро космик станцияга юбориш санасини маълум қилди. У 2022 йил 21 февралга мўлжалланган. Бу ҳақда агентликнинг Бошқариладиган парвозлар дастури раҳбари Кети Лидерлар Twitter' саҳифасида маълум қилди.
"Ажойиб янгилик! Биз 21 февралда ХКСга “Ахiom-1” миссиясини ишга туширишни режалаштиряпмиз. Бу — Аxiom томонидан қўллаб-қувватланадиган станциядаги биринчи шахсий космик миссия бўлади", — деб ёзган Лидерлар.
Хабар қилинишича, “Ахiom-1” экипажи тўрт кишидан иборат бўлиб, Флорида штатидаги Канаверал бурнидаги Кеннеди космик марказидан учирилади. Режага кўра, жамоа саккиз кун станцияда бўлиб, у ердаги космонавтлар билан ишлаши керак.
Эслатиб ўтамиз, 19 сентябрь куни тўрт нафар оддий фуқаролардан иборат экипаж биринчи марта “Crew Dragon” космик кемасида уч кун Ер орбитасида бўлиб ортга қайтган эди.
Аввалроқ SpaceХ' келгуси йил коинотда рекламалар намойиш қилишни режалаштираётгани ҳақида хабар берилганди.
Насиба Тўхтаева
