Нефть нархи 380 долларга кўтарилиши мумкин
АҚШлик таҳлилчилар бу бўйича ўз фикрларини айтди.
АҚШнинг энг йирик банкларидан бўлган JP Morgan Chase таҳлилчилари нефть нархининг 380 долларга кўтарилиши мумкинлигини тахмин қилди. Бу ҳақда Bloomberg хабар берди.
Экспертлар фикрича, Россия нефти етказиб берилишининг кунига 3 миллион баррелга қисқариши Лондон биржасида “қора олтин”нинг 190 долларгача қимматлашишига олиб келади. Энг оғир сценарий сифатида рус нефтининг кунига 5 миллион баррелга камайиб кетиши эҳтимоли айтилмоқда. Бу ҳолатда унинг нархи бир баррель учун 380 долларга кўтарилиб кетади.
Аммо таҳлилчилар Россия бу қадамни фақатгина АҚШ ва ЕИ томонидан ўз нефтига чеклов қўйилган тақдирдагина амалга оширишини таъкидлаган.
БМТ бош котиби дунё давлатларни “яшил” энергетикага инвестиция киритишга чақирганди.
