Нобел мукофоти совриндорлари бу йил ҳам уйларида тақдирланиши мумкин
Нобел мукофоти совриндорлари 2021 йил декабрь ойида коронавирус билан боғлиқ вазият туфайли мукофотни ўз мамлакатларида қабул қилиши мумкин.
Мухтасар айтганда, Ослодаги тадбир тақдири ҳозирча номаълум, — дейди ташкилотчилар.
Қайд этилишича, тақдимот 10 декабрга режалаштирилган. Нобел ҳафталигининг баъзи тадбирлари онлайн тарзда ўтказилади.
"Лауреатлар Нобел мукофоти медаллари ва дипломларини ўз мамлакатларида олади. Мукофотлар Стокголм мериясида маҳаллий жамоатчилик иштирокида тақдим этилади. Норвегия Нобел қўмитаси уни ўтказиш имкониятини ҳали ҳам очиқ қолдирмоқда", — дейилади ташкилотчилар баёнотида.
“Нобел мукофоти — оламшумул ҳодиса. Лауреатлар турли қитъалардан танланади. Пандемия билан боғлиқ вазиятнинг ноаниқлиги, халқаро саёҳат қилиш имконияти чеклангани — 2021 йилги лауреатлар ўз медаль ва дипломларини мамлакатларида олишларига сабаб бўлмоқда ", — дейди қўмита директори Видар Хелгесен.
Эслатиб ўтамиз, ўтган йили ҳам пандемия сабабли Нобел мукофоти ўз эгаларига уйларида топширилган эди.
Насиба Тўхтаева
