Нукусда илк бор Орол маданият саммити ўтказилади
Ушбу саммит ҳар 18 ойда бир маротаба ўтказилади.
Шу йилнинг 4-6 апрель кунлари Қорақалпоғистоннинг Нукус шаҳрида илк бор Орол маданият саммити бўлиб ўтади.
Ўзбекистон маданият ва санъатни ривожлантириш жамғармаси хабарига кўра, ушбу саммит ҳар 18 ойда бир маротаба ўтказилиб, Қорақалпоғистоннинг барқарор ривожланишига хизмат қиладиган экологик, ижтимоий ва маданий ечимларни топиш учун маҳаллий ва халқаро фаоллар, рассом ва олимларни бирлаштиради.
Саммит Оролбўйи минтақасини санъат, маданият, дизайн ва илм-фан орқали ижтимоий ва экологик жиҳатдан ўзгартиришга қаратилган.
