Олтин валюта захиралари 1 миллиард долларга камайди

 

Маълум бўлишича, 1 октябрь ҳолатига кўра, Ўзбекистоннинг расмий захира активлари 34,41 миллиард долларни ташкил этди. Сентябрь ойи билан таққосланганда улар 1,02 миллиард долларга камайган.

 

Камайишнинг 50 фоизи олтинга тўғри келади. Бир ой мобайнида унинг миқдори 200 мингга ошди, лекин унинг умумий қиймати 528 миллион долларга камайди.

 

Шунингдек, олтиннинг бир дона қуйма нархи тахминан 1762 долларга, 1 октябрда - 1760 долларга тушди. Бироқ ҳозир қимматбаҳо металларнинг бир унцияси нархи 1775 долларга кўтарилди.

 

Энди Ўзбекистонда 21,345 миллиард долларлик олтин захираси бор. Бу 12,3 миллион трой унция (тахминан 382,6 тонна, бу ўтган ойга қараганда 6 тоннага кўп).

 

Шу билан бирга, валюта захираларининг камайиши давом этмоқда. Сентябрь ойида у 479 миллион долларга камайди. Олдин бу кўрсаткич 11,95 миллиард долларни ташкил қилган.

 

Ҳозирги захиралар импортни 18 ойдан ортиқ молиялаштириш учун етарли бўлади. Бу ривожланаётган мамлакатлар учун халқаро ташкилотлар томонидан тавсия этилган 3 ойлик тақсимотдан анча юқори.

 

Эслатиб ўтамиз, бундан аввал Ўзбекистон олтин-валюта захиралари қарийб 1 миллиард долларга ошгани ҳақида хабар берилганди.

 

Чўлпоной Аҳмедова