Оренбург вилоятида ёнғиндан кейин ўлдирилган учта талабанинг жасади топилди. Мазкур ҳолатни Тергов қўмитаси бошлиғининг шахсан ўзи назоратга олди. Қотиллик қурбони бўлган қизлар Бошқирдистон фуқаролари бўлишган. Хабарга кўра, талаба қизларни ўлдириш учун ошхона пичоғи ишлатилган.
Оренбург вилояти губернатори ва ҳукумати матбуот хизмати ушбу воқеага изоҳ берди:
“Оренбург вилояти губернатори Денис Паслер 30 сентябрда Гаяда уч марта қотиллик содир этган жиноятчи ҳақидаги маълумот учун мукофот тайинлаш тўғрисида қарор қабул қилди. Иш ҳақини тўлаш учун вилоят буджетининг захира фондидан 1 миллион рубль ажратилди. Гаядаги учта қизни ўлдиришда иштирок этган шахслар ҳақидаги ҳар қандай маълумот учун. жиноятнинг очилишига ва жиноятчининг шахсини аниқлашга ҳисса қўшади”, — дейилади хабарда.
Пайшанба куни Гаядаги турар-жой биносида рўй берган квартирада ва ҳовлида ёнғин ўчирилгач, 17, 18 ва 19 ёшли учта қизнинг жасади топилган. Ҳодиса юзасидан жиноий иш қўзғатилди. Тергов маълумотларига кўра, қизлар Бошқирдистондан ўқишга келган ва ижарага олинган квартирада яшаган.
Аввалроқ Россиядаги дарёда ўзбекистонлик йигитнинг жасади топилгани, Ашхободда чақалоқни ахлатга ташлаган талаба ушлангани ва Камчаткада Ми-8 вертолёти қулаши оқибатида ҳалок бўлганларнинг жасадлари сувдан олиб чиқилгани ҳақида хабар берилганди.
Чўлпоной Аҳмедова