Ўзбекистон 40 та давлатга қарийб 35 минг тонна узум экспорт қилгани маълум бўлди
Давлат статистика қўмитаси маълумотларига кўра, 2021 йилнинг январь-июль ойларида Ўзбекистон 40та хорижий давлатга қиймати 33,7 млн АҚШ долларига тенг бўлган қарийб 35 минг тонна узум экспорт қилган.
Қайд этилишича, бу кўрсаткич ўтган йилнинг шу даври билан солиштирилганда 7,4 минг тоннага камайган.
Ўтган 7 ой мобайнида Ўзбекистон энг кўп узум экспорт қилган давлатлар:
- Россия – 8,6 минг тонна;
- Қозоғистон – 7,7 минг тонна;
- Хитой – 4,9 минг тонна;
- Қирғиз Р. – 3,0 минг тонна;
- Туркия – 2,1 минг тонна.
Маълумот ўрнида, 2021 йилнинг 7 ойида энг кўп узум экспорт қилган ҳудудлар:
- Самарқанд вилояти – 12,1 минг тонна;
- Фарғона вилояти – 7,7 минг тонна;
- Тошкент вилояти – 3,6 минг тонна;
- Наманган вилояти – 2,1 минг тонна.
Бундан аввалроқ Қорақалпоғистон Республикаси ва вилоятларда 44 та янги экспортбоп узум плантациялари яратилиши тўғрисида хабар берилганди.
