Ўзбекистон энергетика тизими учун 81.6 млн доллар ажратилади
Ўзбекистон Республикаси Вазирлар маҳкамасининг “Ҳаётий муҳим инфратузилмани қўллаб-қувватлаш дастури: электр энергетика соҳасини қўллаб-қувватлаш” лойиҳасини амалга ошириш чора-тадбирлари тўғрисида”ги қарори эълон қилинди.
Унга кўра, лойиҳа учун Европа тикланиш ва тараққиёт банкидан 7 йил муддатга 81.6 млн евро қарз олинади. Лойиҳани амалга ошириш муддати 2021/2022 йилларни ташкил этади.
Қарорга кўра, “Иссиқлик электр станциялари” АЖ координатор этиб белгиланди. ЕТТБ кредити “Тошкент ИЭС”, “Навоий ИЭС”, “Сирдарё ИЭС” ва “Толимаржон ИЭС” ўртасида тақсимланади. Улар бир вақтнинг ўзида кредитнинг самарали ишлатилиши ҳамда вақтида қайтарилишига жавобгар ҳисобланади.
