Ўзбекистон ва Россия темирйўлчилари трансафғон темирйўли бўйича ҳамкорликда иш бошлади
“Ўзбекистон темир йўллари” ва "Россия темир йўллари" компаниялари трансафғон темирйўли бўйича ҳамкорликдаги ишни бошлади.
Бу ҳақда “Спутник Афганистан” хабар берди.
Икки томонлама келишувга кўра, “Термиз-Мозори Шариф – Кобул – Пешовар” темирйўли бўйича техник ва картографик маълумотлар алмашилади.
Шунингдек, темирйўлнинг афғон участкасидаги ҳар бир ўтказиш пункти йиллик ўтказиш қуввати ўрганиб чиқилиши белгиланди. Шунингдек, тез кунларда Ўзбекистон, Афғонистон ва Россия темирйўл раҳбарияти ўртасида музокара ўтказилишига келишиб олинди.
Маълумот ўрнида: темирйўл лойиҳаси умумий қиймати 5 миллиард долларни ташкил этади. Унинг транзит қуввати йилига 20 миллион тонна. Темирйўл Марказий ва Жанубий Осиёни боғловчи асосий транспорт йўлаги бўлади.
Бундан аввал Термизда "Толибон" билан музокаралар ўтказилгани ва унда темирйўл масаласи кўтарилгани хабар қилинганди.
