Ўзбекистонда газ ва электр энергиясига тўлов нархлари ошириладими?
Ижтимоий тармоқда тарқалган хабарларга вазирлик изоҳ берди.
Ижтимоий тармоқда газ ва электр энергиясига тўлов нархларининг оширилиши бўйича хабарлар тарқалди. Ҳолат юзасидан Иқтисодий тараққиёт ва камбағалликни қисқартириш вазирлиги расмий изоҳ берди.
Маълум қилинишича, айни кунларда аҳоли ва иқтисодий тармоқларни сифатли ва узлуксиз электр энергияси ҳамда табиий газ билан таъминлаш мақсадида энергетика соҳасини ислоҳ қилишга қаратилган Ўзбекистон Республикаси Вазирлар Маҳкамасининг “Ёқилғи-энергетика ресурсларининг нархлари ва тарифларини ўзгартириш тўғрисида”ги қарор лойиҳаси иш жараёнида.
Ҳужжатнинг лойиҳаси муҳокама учун regulation.uz сайтига жойлаштирилади ва барчанинг фикр ва таклифлари кўриб чиқилади.
