Ўзбекистонда “Маҳалла назорати” институти жорий этилади
Унда аҳоли эътирозларига энг кўп сабаб бўлаётган муаммолар муҳокама қилинади.
Вазирлар Маҳкамаси қарорига кўра, Ўзбекистонда “Маҳалла назорати” ва “Маҳалла раиси сўрови” институтлари жорий этилади. Бу ҳақда “ЎзА” хабар берди.
Қайд этилишича, ҳар бир фуқаролар йиғини ҳузурида маҳалла раиси раҳбарлигида маҳалла назорати гуруҳи ташкил этилади.
Маҳалла назорати гуруҳи томонидан аҳоли эътирозларига энг кўп сабаб бўлаётган муаммоларни аниқлаш мақсадида мунтазам равишда муҳокамалар ўтказилади.
Маҳалла фуқаролар йиғини кенгашида тегишли давлат органлари ва ташкилотлари раҳбарлари ҳамда масъул ходимларининг амалга оширилган ишлар бўйича ахборотларини мунтазам равишда эшитиб борилади.
