Ўзбекистондан Қирғизистонга 7 тонна носвой олиб ўтаётган шахслар ушланди
Носвой Ўзбекистондан Қирғизистонда назорат-ўтказиш пунктларини четлаб ўтиб, ноқонуний олиб келинган
Қирғизистон чегарачилари божхоначилар билан биргаликда 13 июль куни Ўзбекистоннинг Чон-Гара анклавидан Қирғизистонга яширинча олиб ўтмоқчи бўлган 7 тонна носвой ортилган «Камаз» автомашинасини қўлга олди, дея хабар бермоқда Миллий хавфсизлик давлат қўмитаси.
Қайд этилишича, Қадамжой тумани Бургенду қишлоғида Ўзбекистондан Қирғизистонга 7 тонна носвой маҳсулотларини олиб ўтаётган Қирғизистон фуқароси ушланган.
Аниқланишича, носвой Ўзбекистондан Қирғизистонда кейинчалик сотиш учун назорат-ўтказиш пунктларини четлаб ўтиб, ноқонуний олиб келингани маълум бўлди.
