Ўзбекистонга AstraZeneca вакцинасининг навбатдаги партияси олиб келинади
14 август куни COVAX дастури доирасида Франциядан 276 минг 480 доза AstraZeneca вакцинаси олиб келинади.
Эртага, 14 август куни COVAX дастури доирасида Франциядан 276 минг 480 доза AstraZeneca вакцинаси Ўзбекистонга олиб келиниши кутилмоқда. Бу ҳақда Соғлиқни сақлаш вазирлиги хабар бермоқда.
Шунда Ўзбекистонга келтирилган жами вакцина миқдори 14 миллион 856 минг 540 дозага етади.
Шундан:
- Sputnik V – 370 минг доза;
- AstraZeneca – 986 минг 480 доза;
- ZF-UZ-VAC2001 – 10 миллион 500 минг доза;
- Moderna – 3 миллион 60 доза.
Маьлумот учун, 12 август ҳолатига кўра, эмлаш жараёнларида жами 11 миллион 651 минг 161 доза вакцина фойдаланилган. Шу кунгача коронавирусга қарши тўлиқ эмланган фуқаролар сони эса 1 миллион 380 минг 457 нафарни ташкил қилмоқда.
