Озодбек Назарбеков Қирғизистон халқ артисти бўлди
Бу бўйича Садир Жапаров махсус фармон имзолаган.
Қирғизистон Президенти Садир Жапаровнинг 5 сентябрь куни имзолаган фармони билан Ўзбекистонинг маданият ва санъат соҳасидаги икки вакилига фахрий унвон берилди.
Жумладан, Ўзбекистон Маданият вазири Озодбек Назарбековга Қирғизистон халқ артисти фахрий унвони, Юнус Ражабий номидаги Ўзбек миллий мусиқа санъати институти “Анъанавий мақом ижрочилиги” кафедраси катта ўқитувчиси Фарангиз Маҳмудовага Қирғизистонда хизмат кўрсатган артист унвони берилди.
Ҳужжатда айтилишича, ушбу унвонлар Қирғизистон ва Ўзбекистон ўртасида маданият ва санъат соҳасидаги дўстлик ва ҳамкорликни мустаҳкамлашга қўшган катта ҳиссаси учун берилди.
