Пандемия даврида Ўзбекистоннинг саъй-ҳаракатлари таҳсинга лойиқ – Лиан Куппунс
ЖССТнинг Ўзбекистондаги вакили мамлакатда тиббиёт соҳасида амалга оширилаётган ислоҳотларни эътироф этди.
Бугун, 18 март куни Президент Шавкат Мирзиёевнинг соғлиқни сақлаш тизими вакиллари билан очиқ мулоқоти бўлиб ўтди. Унда сўзга чиққан ЖССТ вакили Ўзбекистондаги беш йиллик кузатувлари ҳақида гапириб, тиббиёт соҳасида амалга оширилаётган ишларни эътироф этди.
“Жуда ҳам катта ўзгаришлар ва ислоҳотлар гувоҳи бўлдим. Айниқса, бу ерда даволашдан кўра кўпроқ касалликни олдини олишга урғу берилишига, вертикал бошқарувдан бевосита горизонтал кенг қамровли ёндашувга асос солинганига гувоҳ бўлдим.
Йигирма беш йил давомида турли мамлакатларда ваколатим бўйича иш олиб бордим. Шу нарсани очиқ-ойдин айтишим мумкинки, Сиздек шижоатли, юксак мақсадларни кўзлаган, серғайрат Президентни кўрмадим.
Covid пандемияси бошланганидан кейин Сизнинг бевосита етакчилигингиз остида қисқа фурсатда пандемияни назорат остига олишга, салбий таъсирини минимал даражага туширишга муваффақ бўлинди.
Ўзбекистон буни қандай бошқарганлиги, назоратга олганлиги намуна қилса арзийдиган аъло даражадаги ечимлардир”, деган Лиан Куппенс
