Жумладан, пара каноэ бўйича миллий терма жамоа аъзолари айни дамда Тошкент вилоятининг сўлим Бўстонлиқ туманида жойлашган Ҳожикент соғломлаштириш оромгоҳида навбатдаги ўқув-машғулот йиғинини ўтказишмоқда. Унда Шахноза Мирзаева, Азизбек Абдулҳабибов ҳамда Ҳайтмурод Шерқўзиев каби Токио-2020 лицензиясини қўлга киритган спортчилар иштирок этмоқда.
Терма жамоа бош тренери Дилшод Йўлдошевнинг маълум қилишича, ушбу ўқув-машғулот йиғинидан кўзланган асосий мақсад спортчиларнинг жисмоний тайёргарлигини янада оширишдир.
