Пепе 41 ёшда футболдаги фаолиятини якунлади
Бу ҳақида у ўзининг ижтимоий тармоқлардаги саҳифасида маълум қилди.
Португалия миллий жамоаси ҳимоячиси Пепе футболчилик фаолиятини якунлаганини эълон қилди.
Пепенинг сўнгги жамоаси "Порту" клуби бўлганди. У бу жамоага 2019 йилда қайтган ва ёзда амалдаги келишуви ниҳоясига етганди. Марказий ҳимоячи "Маритиму", "Реал" ва "Бешиктош" клублари шарафини ҳам ҳимоя қилган.
Пепе "Порту" сафида 4 карра Португалия чемпиони, "Реал" билан 3 карра Испания чемпиони, 3 марта ЕЧЛ ғолиби ва 2 мартадан Испания кубоги ва Суперкубоги соҳибига айланган.
Шунингдек, Пепенинг ҳисобида Португалия сафида ўтказилган 141 ўйин ҳам бор. У миллий жамоаси билан 2016 йилги Европа чемпионати ғолибига айланганди.
