Энергетика нархлари кескин ўсиши ортидан Евроиттифоқ 300 миллиард доллар йўқотади. Бу ҳақда Россия президенти Владимир путни “Россия энергетика ҳафталиги”даги чиқишида маълум қилди.
“Агар нефтга боғлиқ бўлган узоқ муддатли шартномалар имзоланганда, бу йўқотишлардан қочиш имконияти бор эди. Спот бозорлари ва узоқ муддатли шартномалар орасидаги фарқ уч-тўрт баробар”, – деган у.
Россия етакчиси Москва томонидан ҳеч қандай чекловлар қўйилмаганини таъкидлади. У РФ доимо ўз мажбуриятларига риоя қилишини айтган. Ғарбни эса иккиюзламачиликда айблаган.
Шу билан бирга Путин энергетик ресурслар нархига чегара қўядиган давлатларга Россия ёқилғи етказиб бермаслигини қайд этган.
“Россия соғлом ақлга қарши иш қилмайди ва ўзгаларнинг фаровонлиги учун тўламайди”, – деб фикрини якунлаган президент.
Аввалроқ “Газпром” Австрия орқали газ етказиб беришни қайта тиклагани тўғрисида хабар берилганди.