Путин G20 саммитида қатнашган тақдирда Европа уни бойкот қиладими?
Еврокомиссия раиси бунга жавоб берди.
Россия президенти Владимир Путин “катта йигирматалик” саммитида иштирок этган тақдирда, Европа уни бойкот қилмайди. Бу ҳақда Европа комиссияси раиси Урсула фон дер Ляйен маълум қилди.
“Биз бутун G20 фаолиятини тўхтатиб қўйишимиз мумкин, шу сабабли мен бойкотга қаршиман. Фикримча, “катта йигирматалик” ривожланаётган давлатлар ва бозорлар учун жуда муҳим”, – деган у ZDF телеканалига берган интервьюсида.
Унинг фикрича, Путинга Ғарб давлатларининг фикрлари ва баҳосини шахсан етказиш муҳим аҳамиятга эга.
G20 саммити ноябрь ойида Индонезиянинг Бали оролида бўлиб ўтади.
Аввалроқ Путин Ғарб давлатларининг макроиқтисодий сиёсатини глобал инфляцияга олиб келганини маълум қилганди.
