Путин: Украина ғалласи асосан бой давлатларга олиб кетилган
Шу кунгача 2 миллион тонна озиқ-овқат “ғалла келишуви” асосида экспорт қилингани маълум қилинди.
Украинадан олиб чиқилган ғалланинг асосий қисми ривожланган давлатларга юборилган. Бу ҳақда РФ президенти Владимир Путин Шарқий иқтисодий форумдаги чиқишида маълум қилди.
“БМТнинг бутунжаҳон озиқ-овқат дастури томонидан қашшоқ давлатларга 2 та кемада ғалла жўнатилган. Таъкидлайман: 87 кемадан бор-йўғи иккитаси. 2 миллион тонна озиқ-овқатдан 60 минг тонна — бу 3 фоизни ташкил этади — ривожланаётган давлатларга юборилган”, – деган у.
Путин Ғарбни дунё давлатларини алдашда айблаган.
Россия етакчиси шу муносабат билан Эрдоған билан экспортга йўналтирилаётган Украина ғалласи ҳажмини камайтириш юзасидан маслаҳатлашишини айтган.
