Қашқадарёда келин ўзини милтиқда отиб қўйди
Ҳозирда ҳолат юзасидан жиноий иш очилган.
Қашқадарёда қайнотасининг милтиғидан ўзини отиб қўйган келин вафот этди.
Маълум бўлишича, жорий йилнинг 22 сентябрь куни Қашқадарё вилоятининг Яккабоғ туманида келиннинг қайнотаси Қ.Н. ов қуролини ҳовлисининг молхонаси ёнида унутиб қолдирган. Соат 14:30 атрофида Қ.Н.нинг келини М.Ж. молхонани тозалаш учун кирган вақтида эҳтиётсизлик қилиб қуролни сейфга жойламоқчи бўлганида милтиқ отилиб кетган ва ўқ аёлнинг бошига тегиб уни жароҳатлаган. Оқибатда аёл воқеа жойида ҳалок бўлган.
Мазкур ҳолатда юзасидан Қ.Н.га нисбатан ЖКнинг 249-моддаси билан жиноят иши қўзғатилган.
Қўзғатилган жиноят иши Яккабоғ туман ИИБ ҳузуридаги тергов бўлимига юборилган.
