Қашқадарёда Нексия пиёдани уриб юборди
Оқибатда у шифохонада вафот этган.
Қашқадарё вилоятида 11 август куни Некcия уриб юбориши оқибатида бир нафар фуқаро шифохонада вафот этди. Бу ҳақда Ғузор тумани ҳокимлиги матбуот хизмати хабар берди.
Маълум бўлишича, соат 15:05 да Нишон туманида яшовчи фуқаро М. Ж бошқарувидаги Некcия А-380 автомобиль йўли орқали Қарши шаҳри томон ҳаракатланиб кетаётган вақтида “Янгикент” МФЙда яшовчи фуқаро Р. Сни уриб юборган.
Фуқаро тартибга солинмаган пиёдалар ўтиш жойидан йўлни кесиб ўтишга уринган ва оқибатда ҳайдовчи бошқарувни йўқотган. Пиёда Р. С шифохонада вафот этган. Ҳолат юзасидан туман ИИБ томонидан тергов ишлари олиб борилмоқда.
Шундан сўнг туман ИИБ ва мутасадди ташкилотлар томонидан ЙТҲ содир бўлган жой ва йўлнинг серқатнов қисмларига пиёдалар ўтиш йўл белгиси чизилган.
