Қашқадарёда яширин цехлар фош бўлди
Уларда истеъмолга яроқсиз ёғ ишлаб чиқарилган.
Касби, Қарши ва Чироқчи туманида ўтказилган тезкор тадбирларда ушбу ҳудудларда яшовчи фуқаро С.Р., Ж.о. ва У.Қ.лар ўз уйларининг ёрдамчи хоналарида ташкил этган яширин цехда ёғ ишлаб чиқариш билан шуғулланиб келаётганлиги аниқланган. Тадбир жараёнида 332 литр истеъмолга яроқсиз ёғ, 1 560 кг чигит, 4 дона жувоз ускунаси ва бошқа ишлаб чиқаришда фойдаланилган товар моддий бойликлари ашёвий далил сифатида олинган.
Мазкур ҳолатлар юзасидан Жиноят кодексининг 186-2-моддаси (чигитдан олинадиган маҳсулотни қонунга хилоф равишда ишлаб чиқариш ёки муомалага киритиш ) билан жиноят ишлари қўзғатилиб, тергов ҳаракатлари ўтказилмоқда.
