Қибрайда 4 машина аварияга учради
Ҳолат юзасидан расмий муносабат билдирилди.
Ҳолат 29 сентябрь куни соат 16:00 ларда Қибрай тумани “Ўнқўрғон” МФЙ ҳудудида содир бўлган. 2005 йилда туғилган йигит “Ваз 2103” русумли транспорт воситасида ҳаракатланиб кетаётган вақтида ўзи билан бир йўналишдаги 2 та транспорт воситасини қувиб ўтиш мақсадида қарама-қарши йўналишга чиққан вақтида қарама-қарши йўналишда ҳаракатланиб келаётган ҳайдовчи “Зил” билан тўқнашиб кетган. Тўқнашувдан сўнг, “Ваз 2103” русумли транспорт воситаси “ДАМАС” ва “Жентра” автоуловларига бориб урилиб, йўл-транспорт ҳодисаси содир этган.
Ушбу ЙТҲ натижасида ҳаракат иштирокчилари соғлиғига зиён етмаган. Ҳар тўрттала транспорт воситалари техник шикастланган.
Мазкур ҳолат юзасидан Қибрай тумани ИИБ ЙҲХБ томонидан суриштирув ишлари олиб борилмоқда.
