Қиш мавсумида газ танқислиги юз бериши мумкин
АҚШ Давлат департаментининг энергия хавфсизлиги бўйича катта маслаҳатчиси Амос Гокштейн ана шундай фикр билдирди, деб ёзади “Finansial Times.”
Унинг сўзларига кўра, танқисликка Россия Европа бозорига етарлича ёқилғи етказиб бермагани сабаб бўлган ва бу охир-оқибат унинг нархи ошишига олиб келган.
"Агар январь ва февраль ойларида қиш совуқ келса, минтақада захиралар тугаши мумкин. Бу анчайин хавотирлидир ", деди Гокштейн.
У АҚШ Европанинг Россиядан энергия таъминотига боғлиқлигидан хавотирда эканини билдирган.
Бундан аввал газ нархи жуда юқори кўтарилгани ҳақида хабар берилган эди. Ўтган ҳафтада Европада ким ошди савдоларида минг кубометр газ нархи 710 доллардан ошди.
Шу билан бирга, Газпром СП-2 қурилиши якунланганини эълон қилди. Россия газ қувурининг қурилиши 10 сентябрь куни якунланган.
Насиба Тўхтаева
