Қорақалпоғистон Республикаси Ички ишлар вазири лавозимидан озод қилинди
У жорий йил март ойида ушбу лавозимга тайинланганди.
Қорақалпоғистон Республикаси Ички ишлар вазири Оринбаев Аманбай лавозимидан озод қилинди. Бу ҳақда “ЎзА” ахборот агентлиги хабар берди.
Қайд этилишича, А.Оринбаев Қорақалпоғистон Республикаси Вазирлар Кенгаши Раисининг Экология ва Оролбўйи ҳудудларини ривожлантириш масалалари бўйича биринчи ўринбосари лавозимига тайинланган.
Эслатиб ўтамиз, полковник Оринбаев Аманбай Тлеубаевич жорий йилнинг март ойида Қорақалпоғистонга Ички ишлар вазири этиб тайинланланди. Унга қадар вазир ИИВ Жамоат тартибини сақлаш хизмати бошлиғининг биринчи ўринбосари бўлган.
