Қозоғистон янги инвестицион концепцияни қабул қилди
2021 йил мамлакатга умумий миқдорда 24 миллиард долларлик хорижий сармоя киритилгани айтилган.
Қозоғистон ҳукумати янги инвестицион сиёсат концепциясини қабул қилди. Бу ҳақда “Казинформ” хабар берди.
“Давлат инвестицион сиёсати сифатли хорижий ва ички инвестицияларни жалб қилишга, иқтисодий фаолликнинг ошишига ва доимий иш ўринлари яратилиши орқали аҳоли даромадлари оширилишига йўналтирилади”, – деган Қозоғистон бош вазири Алихан Смаилов.
Ҳукумат раҳбарининг қўшимча қилишича, ушбу ҳужжат мамлакатга кириб келаётган сармояларининг кўпайишига ёрдам беради.
Бундан олдин 2021 йил якунларида Қозоғистонда киритилган тўғридан тўғри инвестициялар миқдори 24 миллиард долларни ташкил этгани маълум қилинганди.
Аввалроқ Қосим-Жўмарт Тўқаев янги Қозоғистон мазмунига изоҳ берганди.
