Республикачилар ғалабасидан сўнг ҳам АҚШ Украинага ёрдам беради
Вакиллар палатаси аъзоси бу ҳақда маълум қилди.
Республикачилар партияси АҚШ Конгресси Вакиллар палатаси устидан назоратни қўлга киритгач, Украинага ёрдам кўрсатишни тўхтатмайди. Бу ҳақда Ташқи ишлар қўмитасига раҳбарлик қилиши кутилаётган Майкл Маккол маълум қилди.
Шу билан бирга унинг партияси Вашингтон томонидан кўрсатилаётган хорижий ёрдам устидан кўпроқ назорат ўрнатилишини, шунингдек, иттифоқчиларнинг кўпроқ иштирок этишини хоҳлайди.
“Америка Украинага ёрдам беришини ўринли деб ўйлайман. Биз у ерда глобал можаро юз беришидан қочишга ҳаракат қилмоқдамиз”, — деди жаноб Маккол.
Сиёсатчи, шунингдек, Украинага узоқ масофага учувчи артиллерия тизимлари янги қуролларни жўнатишни хоҳлашини айтди.У Хитой билан рақобатлашишни ўзининг асосий вазифаси деб ҳисоблашини билдирган.
Макколнинг фикрича, АҚШ ва Хитой ҳозир “буюк кучлар рақобати” ҳолатида ва Пекин АҚШ хавфсизлигига энг катта таҳдиддир.
АҚШдаги оралиқ сайловлардан сўнг республикачилар зарур бўлган 218 ўрин билан Вакиллар палатаси устидан назоратни қўлга киритишди. Демократлар ҳозиргача 208 ўринга эга. Шу билан бирга, Демократик партия АҚШ Конгрессининг юқори палатаси Сенат устидан назоратни аллақачон қўлга киритган.
