Буюк Британия Бош вазири Риши Сунак 4 июлда бўлиб ўтган сайловларда Консерватив партияси мағлубиятга учрагач, ўз лавозимини тарк этишини маълум қилди.
Бу ҳақшда Британия ҳукумати раҳбари жума куни Даунинг-стритдаги қароргоҳи яқинида ўтказилган брифингда хабар берди.
Сунак бош вазир сифатида ўзининг сўнгги баёнотини берди. У тез орада қирол Чарлз ИИИ билан учрашиб, истеъфога чиқишини расман эълон қилишини тасдиқлади.
“Бу натижадан кейин мен партия етакчилигидан истеъфога чиқишни тўғри деб ҳисобладим, лекин дарҳол эмас, балки ўз ворисимни сайлаш бўйича расмий келишувлар тузилиши биланоқ”, деди у.
Сунакнинг қайд этишича, тез орада Буюк Британия бош вазири лавозимига лейбористлар етакчиси Кей Стармер келиши мумкин.