Россия, Эрон ва Хитой АҚШ чегаралари яқинида ҳарбий машғулотлар ўтказмоқчи
Унга Ғарбий яримшарнинг қатор давлатлари ҳам жалб этилади.
Россия, Хитой ва Эрон Лотин Америкасида йирик машғулотлар ўтказиш юзасидан музокаралар олиб бормоқда. Бу ҳақда Center for a Secure Free Society маркази маълумотларига асосланиб The Washington Free Beacon портали хабар берди.
“Эрон, Россия ва Хитой Лотин Америкасида йирик ҳарбий машғулотлар сериясига тайёргарлик кўрмоқда. Бундан кўзланган мақсад АҚШга ўз қудратини намойиш қилиш”, – дейилади хабарда.
Ғарбий яримшарда бўлиб ўтадиган Sniper Frontier ўқув машқларида жами 10 та давлат иштирок этиши кутилмоқда. Август ойи ўрталарида Венесуэлада уларнинг бир қисми бўлиб ўтади.
Аввалроқ Хитой НАТОнинг янги концепциясини кескин танқид қилганди.
