Россия президенти Владимир Путин фавқулодда қўнишни амалга оширган Эрон президенти Иброҳим Раисий бор вертолётни қидиришда ёрдам бериш учун 50 нафар қутқарувчи, иккита самолёт ва бир вертолёт жўнатишни буюрди. Бу ҳақда Россия президенти маслаҳатчиси Игор Левитин Эрон биринчи вице-президенти Муҳаммад Моҳбар билан телефон орқали мулоқоти чоғида маълум қилди, деб хабар беради TASS.
“Путиннинг буйруғига кўра, бортида 50 нафар қутқарувчи альпинист бўлган бир неча вертолёт ва иккита замонавий самолёт бир соат ичида Табриз шаҳрига (Эрон шимоли-ғарбида) жўнаб кетади”, — дея Левитин сўзларини келтирмоқда Tasnim агентлиги.
Раисий бўлган вертолёт мамлакат шимоли-ғарбида фавқулодда қўнган. Самолётда Эрон ташқи ишлар вазири Ҳусайн Амир Абдуллоҳийён ҳам бўлган.
Эслатиб ўтамиз, Эрон президенти бўлган вертолёт Озарбайжон билан чегарадаги Верзеган шаҳри яқинида фавқулодда қўнганди. Кейинроқ вертолёт қулаган жойдан видео пайдо бўлди. Халқ президент Раисий ва унинг ҳамроҳларига соғлик тилаб дуо қилмоқда.
Туркия Эрондаги ҳалокат жойига 32 нафар альпинист ва бир вертолёт жўнатган.