Россия расман "Очиқ осмон шартномаси"дан чиқди

 

Россия Очиқ осмон тўғрисидаги шартнома иштирокчилари бўлган давлатлар рўйхатидан расман чиқди. Тегишли қарор 18 декабрь, шанба куни кучга кирди.

 

Июнь ойида Россия келишувнинг депозитарийларига - Венгрия ва Канадага шартномада чиқишга тайёрланаётгани ҳақида билдиришнома юборди, дея таъкидлади Россия ТИВ. 

 

Россия томони ушбу давлатлар пойтахтларидаги элчихоналари ва БМТнинг Венадаги маслаҳат комиссиясидаги делегациялари орқали келишувнинг қолган томонларини ҳам огоҳлантирди.

 

Очиқ осмон шартномаси 1992 йил 24 мартда Хелсинкида ассоциацияга аъзо 27 давлат томонидан имзоланган бўлиб, ратификация қилиш муддати 2001 йил 26 мартда Россия Президенти Владимир Путин томонидан тегишли қонун имзоланганидан кейин якунланди. Кейинчалик, 2002 йил 1 январда шартнома кучга кирди.

 

Битимнинг мақсадлари ҳарбий фаолиятнинг янада очиқлиги ва шаффофлигини ошириш, шунингдек, ишонч ва барқарорликни мустаҳкамлаш чоралари орқали хавфсизликни мустаҳкамлашдан иборат эди. Имзоловчи давлатлар келишув бўйича бошқа томонларга фото ва видео суратга олишдан фойдаланган ҳолда ўз ҳудудларида кузатув парвозларини амалга оширишга рухсат беришга келишиб олишган.

 

Маълумот учун: Қўшма Штатлар 2020 йил ноябрь ойида Россияни уни бузганликда айблаб, шартномада чиқишини эълон қилди. Москва Вашингтоннинг даъволарини рад этди ва шартноманинг бузилиши учун барча жавобгарликни АҚШ зиммасига юклади. Битим иштирокчи давлатларга ҳарбий ҳаракатларни назорат қилиш учун фақат қисқа муддатли огоҳлантириш асосида бир-бирининг ҳудудлари устидан парвоз қилиш имконини берди.

 

Эслатиб ўтамиз, аввалроқ АҚШда Россия раҳбари Владимр Путинни президент сифатида тан олмаслик таклиф қилинган эди.