7 сентябрга ўтар кечаси Россия ҳарбийлари кенг кўламли уруш бошлангандан буён Украинага қарши энг йирик ҳаво ҳужумини амалга оширди. Зарба оқибатида Киевдаги Вазирлар Маҳкамаси биносига илк бор зарар етди.
Украина ҳарбий-ҳаво кучлари маълумотларига кўра, 6 сентябр оқшомидан 7 сентябр тонгига қадар Россия армияси томонидан 818 та ҳаво зарбаси берилган. Бу ҳужум таркибига 805 та “Shahed” туридаги дрон ва турли имитаторлар, 9 та “Iskander-K” қанотли ракетаcи ҳамда 4 та “Iskander-M/KN-23” баллистик ракетаcи киради.
Украина ҳаво ҳужумидан мудофаа тизимлари 751 та нишонни – 747 та учувчисиз учоқ ва 4 та қанотли ракетани уриб туширишга муваффақ бўлган. Шунга қарамай, 9 та ракета ва 56 та дрон нишонига етиб, 37 та объектнинг вайрон бўлишига сабаб бўлган. Ҳужум 11 соатдан ортиқ давом этган.