Россия Федерацияси Мудофаа вазирлиги Украинага қарши уруш олиб бориш учун қўшимча инсон ресурсларини қидириб, Россия колонияларида аёлларни фаол равишда жалб қилмоқда. Бу ҳақда Украина расмийлари маълум қилди.
Қайд этилишича, улар биринчи навбатда аёл маҳбуслар орасидан шифокорлар ва снайперларни қидирмоқда. Қамоқдаги аёлларга пул ва уйга қайтиш имконияти ваъда қилинган. Уларнинг кўплари тирик қайтишларига ишониб, таклиф қилинган шартларга рози.
Эслатиб ўтамиз, аввалроқ россиялик ҳуқуқ фаоллари ва оммавий ахборот воситалари ҳам аёлларнинг Украинага қарши урушга жалб қилингани ҳақида хабар беришганди.