Microsoft компаниясининг сўнгги ҳисоботига кўра, Россия ҳукуматига ишлайдиган хакерлар Украинага 24 февралдан буён 47 та киберҳужум амалга оширган.
Компания мутахассисларининг маълум қилишича, Украинага хакерлар ҳужуми РФ "махсус операция"сидан бир йил олдин бошланган. Улар рус ҳарбийларига ўз миссиясини бажариши учун ёрдам беришга ҳаракат қилган.
Шу билан бирга кибержиноятчилар ва ҳарбийлар биргаликда ҳаракат қилган бўлиши мумкин. Шу билан бирга улар ўзаро ҳаракатларни мувофиқлаштириб турганми ёки фақатгина бир вазифани бажарганми — бу ҳозирча номаълум.
Масалан, 1 март куни Киев телемарказига ракета зарбалари берилган бир пайтда, қатор маҳаллий компанияларга киберҳужумлар амалга оширилган. Бундан ташқари, Мариуполь шаҳрига Россия армияси ҳужум қилаётган бир вақтда украиналиклар электрон почтасига РФ ташкилотларидан мактуб келган. Унда Киев ўз аскарларини ташлаб кетгани айтилган.
Аввалроқ Россиянинг Украинадаги ҳарбий амалиётининг иккинчи босқичи мақсади очиқланганди.