Европанинг Россия энергетик ресурслари қарамлигидан қутулиши қийин, аммо бажарса бўладиган вазифа. Бу ҳақда Европа кенгаши раиси ўринбосари Марош Шефович Вашингтон Атлантика кенгашидаги чиқишида айтиб ўтди. У бунинг учун АҚШ ва Европа ҳамкорлигини чуқурлаштириш муҳимлигини таъкидлади.
“Бугун мен суҳбатдошларимга Европа давлатлари ҳукуматлари қайси йўналишда келишувга эришганини тушунтирдим. Биз тезроқ ва кўпроқ Россияда қазиб олинадиган углеводород импортига қарамлигимизни камайтиришимиз керак. Бу ўта қийин, аммо амалга ошадиган вазифа”, – деган у. Шефовичнинг фикрича, бунинг учун суюлтирилган табиий газ етказиб бериш инфратузилмасини ривожлантириш лозим.
Аввалроқ, Борис Жонсон Саудияга бориб, нефть етказиб беришни кўпайтиришни сўраши тўғрисида хабар берилганди.
