Россиянинг айрим ҳудудларида “аксилтеррор операцияси” режими жорий этилди
Ушбу ҳудудларда муайян чекловчи чоралар қўлланиши мумкин.
Россиянинг Белгород, Брянск ва Курск вилоятларида “аксилтеррор операцияси” режими жорий этилди.
Россия Миллий аксилтеррор қўмитаси “аксилтеррор операцияси” режими жорий этилишини Россиянинг Украина билан чегарадош уч ҳудудида “вазиятни беқарорлаштиришга уринишлар” содир этилиши билан изоҳлади.
Режим аксилтеррор операцияси ўтказиладиган ҳудудда муайян чекловчи чораларни кўришга имкон беради, хусусан, ҳужжатларни текшириш, аксилтеррор операциясини олиб борадиган шахсларнинг ҳар қандай биноларга тўсиқсиз кириши, ахборот алмашинувини назорат қилиш ва алоқа воситаларини узиш, одамларни ва транспорт воситаларини ҳудуддан чиқариб юбориш ёки вақтинча кўчириш.
